មន្ដ្រីរដ្ឋាភិបាលបានឲ្យដឹងថា
ទោះបីជាកម្ចីដែលបានផ្តល់កាលពីឆ្នាំទៅមានចំនួនតិចតួចក៏ដោយ
ក៏ពួកគេរំពឹងថា តម្រូវការកម្ចីនៅឆ្នាំនេះនឹងកាន់តែធំ
ខណៈប្រទេសកម្ពុជាសង្ឃឹមថា
នឹងនាំចេញអង្ករកាន់តែច្រើនទៅទីផ្សារអន្តរជាតិ។
លោកកៅ ថាច ប្រធានធនាគារអភិវឌ្ឍន៍ជនបទ (RDB)
ដែលជាធនាគារគ្រប់គ្រងដោយរដ្ឋបានឲ្យដឹងថា
ការចាក់បញ្ចូលសាច់ប្រាក់ថ្មីនេះគឺសម្រាប់ការពារការខ្វះខាតថវិកាណាមួយនៅក្នុងរដូវប្រមូលផលខាងមុខ។
លោកបានថ្លែងថា៖
«ថ្មីៗនេះរដ្ឋាភិបាលបានអនុម័តទឹកប្រាក់២៣លានដុល្លារបន្ថែមទៀតដើម្បីបន្ថែមលើកញ្ចប់២៧លានដុល្លារសម្រាប់ជួយឧស្សាហកម្មស្រូវអង្ករ។
ថវិកាថ្មីនេះគឺសម្រាប់ការពារក្នុងករណីមិនគ្រប់គ្រាន់សម្រាប់រដូវប្រមូលផលបន្ទាប់»។
កាលពីសប្ដាហ៍មុនប្រទេសកម្ពុជាបានចុះហត្ថលេខាលើអនុស្សរណៈយោគយល់គ្នា
(MoU) ដើម្បីនាំចេញអង្ករ១លានតោនទៅប្រទេសបង់ក្លាដែសក្នុងរយៈពេល
៥ ឆ្នាំ ហើយការនាំចេញលើកដំបូងចំនួន២៥០
០០០តោននឹងត្រូវចាប់ផ្ដើមនៅខែតុលាឆ្នាំនេះ។
លោកលើកឡើងថា៖
«ទោះបីកាលពីលើកមុនប្រើប្រាស់អស់តែ៣,៥លានដុល្លារក៏ដោយ
ក៏វិស័យឯកជននៅតែបញ្ជាក់ថា
ចំនួននេះមិនគ្រប់គ្រាន់សម្រាប់រដូវបន្ទាប់នេះទេ
ហើយតម្រូវការនឹងកាន់តែខ្ពស់ជាងរដូវមុន»។
លោក ថាច ឲ្យដឹងថា
រហូតមកដល់ពេលនេះកញ្ចប់កម្ចីថ្មីសម្រាប់ទិញស្រូវមិនត្រូវបានប្រើប្រាស់នៅឡើយទេ
ហើយរំពឹងថា តម្រូវការនឹងចាប់ផ្ដើមនៅចុងខែសីហា។
លោកបានបញ្ជាក់ថា៖ «អត្រាការប្រាក់គឺទាបជាងពីមុនមានតែ ៥
ភាគរយ
ប៉ុណ្ណោះនៃអត្រាការប្រាក់ប្រចាំឆ្នាំក្នុងលក្ខខណ្ឌដូចគ្នាពីមុន
ដោយផ្អែកលើស្រូវក្នុងស្ដុកជាវត្ថុបញ្ចាំ»។
លោក តាំង ឈុងងី ប្រធានបច្ចេកទេសនិងទីផ្សារ LBN Angkar (Kampuchea)
ដែលជាក្រុមហ៊ុនផ្គត់ផ្គង់ពូជស្រូវបានឲ្យដឹងថា
មូលហេតុដែលការប្រើប្រាស់កម្ចីកាលពីឆ្នាំទៅមានកម្រិតទាប
ដោយសារលក្ខខណ្ឌមិនទូលំទូលាយ។
លោកថ្លែងថា៖
«លក្ខខណ្ឌសម្រាប់ការដាក់ពាក្យសុំកម្ចីបានតែជាមួយរោងម៉ាស៊ីនកិនស្រូវ
និងក្រុមហ៊ុននាំចេញធំៗតែប៉ុណ្ណោះ
សម្រាប់អ្នកដែលមានដើមទុនបន្តិចបន្តួចមិនអាចទទួលបានកម្ចីនេះទេ»។
លោក ភូ ពុយ ប្រធានសមាគមរោងម៉ាស៊ីនកិនស្រូវកម្ពុជា
និងជាអគ្គនាយកធនាគារស្រូវបានបញ្ជាក់ថា ការទទួលកម្ចីមានកម្រិតទាប
វាពាក់ព័ន្ធនឹងចង្វាក់នៃការផលិតអង្ករនៅក្នុងឧស្សាហកម្មស្រូវអង្ករទាំងមូល។
លោកបន្តថា
ឧស្សាហកម្មស្រូវអង្ករមិនគ្រាន់តែប្រឈមនឹងកង្វះហិរញ្ញវត្ថុប៉ុណ្ណោះទេ
ប៉ុន្តែថែមទាំងប្រឈមនឹងសមត្ថភាពម៉ាស៊ីនសម្ងួត ឃ្លាំងស្ដុក
និងទីផ្សារផងដែរ។ ប៉ុន្តែលោកមានសុទិដ្ឋិនិយមរោង
ម៉ាស៊ីនកិនស្រូវនឹងរៀបចំដំណើរការប្រសើរឡើងវិញ
ដើម្បីទទួលបានកម្ចីសម្រាប់រដូវនៅពេលខាងមុខនេះ។
លោកថ្លែងថា៖ «រដ្ឋាភិបាលបានសិក្សាតម្រូវការទីផ្សារ
និងការរៀបចំល្អសម្រាប់រដូវខាងមុខបន្ទាប់ យើងជាវិស័យឯកជន
កំពុងរៀបចំឲ្យបានល្អនៅពេលនេះ
ហើយរោងម៉ាស៊ីនកិនស្រូវក៏ត្រៀមខ្លួនជាស្រេចក្នុងការដាក់ពាក្យសុំកម្ចីផងដែរ
វានឹងស្ថិតក្នុងតម្រូវការខ្ពស់នៅចុងឆ្នាំនេះ
ដោយសារតែវាជារដូវប្រមូលផលដ៏ធំ»។
ទឹកប្រាក់នេះក៏នឹងត្រូវប្រើប្រាស់សម្រាប់ដំណាំពោតផងដែរដែលនៅពេលនេះ
ធនាគារអភិវឌ្ឍន៍ជនបទបានផ្តល់កម្ចីលើកដំបូងដល់ក្រុមហ៊ុនទិញពោត២០ម៉ឺនដុល្លាររួចហើយ
ដោយក្រុមហ៊ុនបានដាក់តម្កល់ពោតក្នុងស្តុកជាវត្ថុបញ្ចាំចំនួន ១
៥០០ តោន។
ទោះបីយ៉ាងនេះក្តី RDB មិនបានបញ្ជាក់ឈ្មោះក្រុមហ៊ុនដែលទទួលបានកម្ចីនេះទេ៕
រដ្ឋាភិបាលបានបន្ថែម ២៣ លានដុល្លារសម្រាប់វិស័យស្រូវអង្ករ
·
0
Filed in:
![Unknown]()
About Unknown
Author Description here.. Nulla sagittis convallis. Curabitur consequat. Quisque metus enim, venenatis fermentum, mollis in, porta et, nibh. Duis vulputate elit in elit.