ក្រុងវ៉ាស៊ីនតោនៈ ក្រុមហ៊ុនលក់អាហារទាន់ចិត្ត
McDonald's
បានឲ្យដឹងថាក្រុមហ៊ុនរបស់ខ្លួននឹងគោរពតាមច្បាប់របស់ប្រទេសចិន
ហើយបញ្ឈប់ការប្រើប្រាស់សាច់មាន់ដែលប្រើប្រាស់ថ្នាំអង់ទីប្យូទិច
បើទោះជាប្រទេសចិនមិនស្ថិតក្នុងបញ្ជីឈ្មោះប្រទេសដំបូងដែលក្រុមហ៊ុនលក់អាហារទាន់ចិត្តនេះត្រូវកាត់បន្ថយការប្រើប្រាស់ថ្នាំអង់ទីប្យូទិចនៅក្នុងសាច់មាន់របស់ខ្លួនក្នុងឆ្នាំ
២០១៨ ក៏ដោយ។ នេះបើយោងតាមសេចក្តីរាយការណ៍របស់សារព័ត៌មាន
thepaper.cn កាលពីថ្ងៃទី ២៤ ខែសីហា។
នាពេលថ្មីៗនេះក្រុមហ៊ុនផលិតអាហារទាន់ចិត្តរបស់អាមេរិកនេះបានឲ្យដឹងថាក្រុមហ៊ុនរបស់ខ្លួននឹងបញ្ឈប់ការប្រើប្រាស់សាច់មាន់ដែលមានប្រើប្រាស់ថ្នាំអង់ទីប្យូទិចនៅក្នុងប្រទេសប្រេស៊ីល កាណាដា ជប៉ុន កូរ៉េខាងត្បូង សហរដ្ឋអាមេរិក និងអឺរ៉ុបនៅឆ្នាំ ២០១៨ ខាងមុខនេះ និងនៅតាមទីផ្សារផ្សេងទៀតនៅឆ្នាំ ២០២៧។
ដោយសារប្រទេសចិននៅមិនទាន់បានចុះក្នុងបញ្ជីឈ្មោះប្រទេសដំបូងគេដែលត្រូវអនុវត្តការសម្រេចនេះ ក្រុមហ៊ុនភោជនីយដ្ឋាន McDonald's បានរៀបរាប់ថាការប្រើប្រាស់ថ្នាំអង់ទីប្យូទិចបានត្រឹមត្រូវគឺជាកត្តាចាំបាច់ហើយក្រុមហ៊ុនផ្គត់ផ្គង់សាច់មាន់ឲ្យក្រុមហ៊ុន McDonald's នឹងអនុវត្តតាមការណែនាំរបស់ពេទ្យសត្វទាក់ទងនឹងការប្រើប្រាស់ថ្នាំអង់ទីប្យូទិចដោយគោរពតាមច្បាប់ដែលពាក់ព័ន្ធ និងបទប្បញ្ញត្តិនៅប្រទេសចិន។
ក្រុមហ៊ុនផលិតអាហារទាន់ចិត្តនេះបានសន្យាថាសាច់មាន់ទាំងអស់ដែលត្រូវប្រើប្រាស់នៅក្នុងភោជនីយដ្ឋានរបស់ក្រុមហ៊ុននេះនៅប្រទេសចិននឹងត្រូវបានតម្រូវឲ្យឆ្លងកាត់ការធ្វើតេស្តដែលពាក់ព័ន្ធមួយចំនួន។
លោក Zhu Yi សាស្ត្រចារ្យរងប្រចាំសាកលវិទ្យាល័យកសិកម្មចិនបានឲ្យដឹងថាការហាមឃាត់មិនឲ្យប្រើប្រាស់ថ្នាំអង់ទីប្យូទិចសំដៅលើថ្នាំអង់ទីប្យូទិចរបស់មនុស្សដែលត្រូវបានហាមឃាត់យ៉ាងខ្លាំងមិនឲ្យប្រើប្រាស់ ធ្វើជាអាហារបំប៉នចំណីសត្វ ដើម្បីជំរុញការលូតលាស់ពីសំណាក់សហភាពអឺរ៉ុបនៅដើមឆ្នាំ ២០០៦ ហើយមានតែថ្នាំអង់ទីប្យូទិចដែលទទួលបានការអនុញ្ញាតតែប៉ុណ្ណោះអាចត្រូវបានប្រើប្រាស់សម្រាប់តែការព្យាបាលជំងឺសត្វមាន់។
សាស្ត្រាចារ្យរូបនេះបានបន្តឲ្យដឹងថាវាពិបាកហាមឃាត់ការប្រើប្រាស់ថ្នាំអង់ទីប្យូទិចនេះឲ្យបានទូលំទូលាយណាស់នៅប្រទេសចិនដោយសារថ្នាំភាគច្រើនត្រូវបានផលិតនៅប្រទេសនេះហើយមានតម្លៃថោកក្នុងការប្រើប្រាស់។ ជាងនេះទៀតក្រុមហ៊ុនបង្កាត់ពូជសត្វ និងចិញ្ចឹមសត្វនៅប្រទេសចិន ខ្វះការយល់ដឹងពីហានិភ័យផ្នែកសុខភាពនៃការប្រើប្រាស់ថ្នាំអង់ទីប្យូទិច។
ស្ថិតិបានបង្ហាញថាថ្នាំអង់ទីប្យូទិចជាង ៧០ ភាគរយត្រូវបានលក់សម្រាប់ការប្រើប្រាស់ជាមួយសត្វនៅសហរដ្ឋអាមេរិកហើយអ្នកវិទ្យាសាស្ត្របានព្រមានថាការប្រើប្រាស់ថ្នាំនេះជាប្រចាំដើម្បីជំរុញដល់ការលូតលាស់របស់សត្វ និងការពារជំងឺផ្សេងៗនឹងបង្កឲ្យមានសត្វល្អិត និងមេរោគកាន់តែច្រើនដែលនឹងសម្លាប់សត្វយ៉ាងហោចណាស់ចំនួន ២៣ ០០០ ក្បាលនៅក្នុងប្រទេសនេះរៀងរាល់ឆ្នាំ៕
នាពេលថ្មីៗនេះក្រុមហ៊ុនផលិតអាហារទាន់ចិត្តរបស់អាមេរិកនេះបានឲ្យដឹងថាក្រុមហ៊ុនរបស់ខ្លួននឹងបញ្ឈប់ការប្រើប្រាស់សាច់មាន់ដែលមានប្រើប្រាស់ថ្នាំអង់ទីប្យូទិចនៅក្នុងប្រទេសប្រេស៊ីល កាណាដា ជប៉ុន កូរ៉េខាងត្បូង សហរដ្ឋអាមេរិក និងអឺរ៉ុបនៅឆ្នាំ ២០១៨ ខាងមុខនេះ និងនៅតាមទីផ្សារផ្សេងទៀតនៅឆ្នាំ ២០២៧។
ដោយសារប្រទេសចិននៅមិនទាន់បានចុះក្នុងបញ្ជីឈ្មោះប្រទេសដំបូងគេដែលត្រូវអនុវត្តការសម្រេចនេះ ក្រុមហ៊ុនភោជនីយដ្ឋាន McDonald's បានរៀបរាប់ថាការប្រើប្រាស់ថ្នាំអង់ទីប្យូទិចបានត្រឹមត្រូវគឺជាកត្តាចាំបាច់ហើយក្រុមហ៊ុនផ្គត់ផ្គង់សាច់មាន់ឲ្យក្រុមហ៊ុន McDonald's នឹងអនុវត្តតាមការណែនាំរបស់ពេទ្យសត្វទាក់ទងនឹងការប្រើប្រាស់ថ្នាំអង់ទីប្យូទិចដោយគោរពតាមច្បាប់ដែលពាក់ព័ន្ធ និងបទប្បញ្ញត្តិនៅប្រទេសចិន។
ក្រុមហ៊ុនផលិតអាហារទាន់ចិត្តនេះបានសន្យាថាសាច់មាន់ទាំងអស់ដែលត្រូវប្រើប្រាស់នៅក្នុងភោជនីយដ្ឋានរបស់ក្រុមហ៊ុននេះនៅប្រទេសចិននឹងត្រូវបានតម្រូវឲ្យឆ្លងកាត់ការធ្វើតេស្តដែលពាក់ព័ន្ធមួយចំនួន។
លោក Zhu Yi សាស្ត្រចារ្យរងប្រចាំសាកលវិទ្យាល័យកសិកម្មចិនបានឲ្យដឹងថាការហាមឃាត់មិនឲ្យប្រើប្រាស់ថ្នាំអង់ទីប្យូទិចសំដៅលើថ្នាំអង់ទីប្យូទិចរបស់មនុស្សដែលត្រូវបានហាមឃាត់យ៉ាងខ្លាំងមិនឲ្យប្រើប្រាស់ ធ្វើជាអាហារបំប៉នចំណីសត្វ ដើម្បីជំរុញការលូតលាស់ពីសំណាក់សហភាពអឺរ៉ុបនៅដើមឆ្នាំ ២០០៦ ហើយមានតែថ្នាំអង់ទីប្យូទិចដែលទទួលបានការអនុញ្ញាតតែប៉ុណ្ណោះអាចត្រូវបានប្រើប្រាស់សម្រាប់តែការព្យាបាលជំងឺសត្វមាន់។
សាស្ត្រាចារ្យរូបនេះបានបន្តឲ្យដឹងថាវាពិបាកហាមឃាត់ការប្រើប្រាស់ថ្នាំអង់ទីប្យូទិចនេះឲ្យបានទូលំទូលាយណាស់នៅប្រទេសចិនដោយសារថ្នាំភាគច្រើនត្រូវបានផលិតនៅប្រទេសនេះហើយមានតម្លៃថោកក្នុងការប្រើប្រាស់។ ជាងនេះទៀតក្រុមហ៊ុនបង្កាត់ពូជសត្វ និងចិញ្ចឹមសត្វនៅប្រទេសចិន ខ្វះការយល់ដឹងពីហានិភ័យផ្នែកសុខភាពនៃការប្រើប្រាស់ថ្នាំអង់ទីប្យូទិច។
ស្ថិតិបានបង្ហាញថាថ្នាំអង់ទីប្យូទិចជាង ៧០ ភាគរយត្រូវបានលក់សម្រាប់ការប្រើប្រាស់ជាមួយសត្វនៅសហរដ្ឋអាមេរិកហើយអ្នកវិទ្យាសាស្ត្របានព្រមានថាការប្រើប្រាស់ថ្នាំនេះជាប្រចាំដើម្បីជំរុញដល់ការលូតលាស់របស់សត្វ និងការពារជំងឺផ្សេងៗនឹងបង្កឲ្យមានសត្វល្អិត និងមេរោគកាន់តែច្រើនដែលនឹងសម្លាប់សត្វយ៉ាងហោចណាស់ចំនួន ២៣ ០០០ ក្បាលនៅក្នុងប្រទេសនេះរៀងរាល់ឆ្នាំ៕